“ისტორიული ჟამის წინაშე ვიმყოფებით. ჩვენ 2020 წელს უნდა შევცვალოთ რეჟიმი, რომელიც ხალხის ჩაგვრისა და ქვეყნის ძარცვის ხარჯზე, საკუთარი ბედნიერების მოწყობითაა დაკავებული. როდესაც სტატისტიკაა ცნობილი, რომ ყოველდღე ერთი ადამიანი მინიმუმ თვითმკვლელობით ამთავრებს სიცოცხლეს სოციალურ-ეკონომიკური პრობლემების გამო, ამ ფონზეც კი, რეჟიმის ბედნიერი მეთაური გამოდის და გვიყვება ქართული სუფრისა და პოლიფონიური მუსიკის განუმეორებლობაზე. ეს იმას ნიშნავს, რომ ის ჭურშიც აღარ ზის და ჭურის დაბლაა ჩასული”
შალვა ნათელაშვილი – “ლეიბორისტული პარტიის” ლიდერი
აღნიშნული განცხადებით ნათელაშვილი ბიძინა ივანიშვილს გამოეხმაურა.
შეგახსენებთ, გუშინ, 29 დეკემბერს ივანიშვილმა ეროვნული კულტურის შესახებ მეცნიერული ნაშრომის პრეზენტაციაზე განაცხადა:
“ის, რომ პოლიფონიის და ღვინის სამშობლო საქართველოა, კარგად აისახება ქართველი კაცის ხასიათში”.
