ქვეყნის პირველი პირების ავტოპარკის განახლებისთვის ბიუჯეტიდან შესაძლოა, 500 ათასი ლარი გამოიყოს.
შესაბამისი მოთხოვნა სახელმწიფო დაცვის სამსახურს აქვს. უწყების წარმომადგენელი ილია ტარასაშვილი ამბობს, რომ დაჯავშნილი ავტომობილი პრემიერ-მინისტრისთვის ან პრეზიდენტისთვის იქნება განკუთვნილი.
როგორც ტარასაშვილმა განმარტა, ახალი მანქანის შეძენის საჭიროება ავტოპარკის განახლებას უკავშირდება.
ამ საკითხზე ტარასაშვილმა თავდაცვისა და უშიშროების საპარლამენტო კომიტეტის სხდომაზე ისაუბრა.