კანადელი ქართველი, კალგარის პოლიციის შერიფი მერაბ ტაბიძე, თბილისის მერობისთვის ბრძოლას გეგმავს. ამის შესახებ ინფორმაციას “რადიო თავისუფლების” ქართული სამსახური ავრცელებს.
როგორც ირკვევა, ქართველმა შერიფმა ეს გადაწყვეტილება ახლახანს მიიღო, რაც სატელეფონო ინტერვიუში დაადასტურა.
“ვთვლით, რომ ის ცოდნა და გამოცდილება, რომელიც მივიღე 26 წლის განმავლობაში, როგორც კანადის მოქალაქემ, სასარგებლო იქნებოდა მიგვემართა ჩვენი საყვარელი ქალაქის მომავლისა და განვითარებისათვის”, – აცხადებს მერაბ ტაბიძე ინტერვიუში.
