მეორე მსოფლიო ომის ვეტერანებს 600 ლარიანი დახმარება გადაეცემათ, ხოლო მეორე მსოფლიო ომში მარჩენალდაკარგული ოჯახები 300 ლარიან დახმარებას მიიღებენ.- ამის შესახებ საქართველოს მთავრობის ადმინისტრაციის მიერ გავრცელებულ ინფორმაციაშია აღნიშნული.
ადმინისტრაციის ინფორმაციით, ფაშიზმზე გამარჯვების 71-ე წლისთავის აღსანიშნავად, 9 მაისს საქართველოს დედაქალაქსა და ყველა რეგიონში გაიმართება სხვადასხვა სახის ღონისძიებები.
საქართველოს პრემიერ-მინისტრი გიორგი კვირიკაშვილი, მთავრობის წევრებთან ერთად, ვაკის პარკში გვირიგვინით შეამკობს უცნობი ჯარისკაცის საფლავს და ვეტერანებთან ერთად დაათვალიერებს მეორე მსოფლიო ომის ამსახველ ფოტოგამოფენას.
პრემიერ–მინისტრი მეორე მსოფლიო ომის ვეტერანებს სადღესასწაულო სადილზე უმასპინძლებს.