გარემოს დაცვისა და სოფლის მეურნეობის სამინისტროს პრესსამსახურის ინფორმაციით, მარნეულიდან სასოფლო-სამეურნეო პროდუქციის რეალიზებას რამდენიმე კომპანია ახორციელებს.
გავრცელებული ინფორმაციით, ბოლო ორი დღის განმავლობაში სარეალიზაციოდ დაახლოებით 250 ტონა ბოსტნეული გაიტანეს; პროდუქტის ჩაბარების პროცესს სამართალდამცველები და ადგილობრივი მუნიციპალიტეტის შესაბამისი სამსახურები აკონტროლებენ.
პროდუქციის ჩაბარებისას დაცულია სოციალური დისტანცია, ადგილობრივებს დაურიგდათ პირბადეები.
შეგახსენებთ, სასოფლო-სამეურნეო პროდუქტით დატვირთული ავტოსატრანსპორტო საშუალებების გადაადგილება მარნეულის მუნიციპალიტეტის ტერიტორიიდან შინაგან საქმეთა სამინისტროს შესაბამისი სამსახურების ჩართულობით ხორცილდება.