პრეზიდენტმა გიორგი მარგველაშვილმა მისი ყოველწლიური გამოსვლა 5 წლიანი შეჯამებით დაიწყო და 2013 წელს შეეხო, როცა მთავრობასა და პრეზიდენტს ერთად უწევდათ მუშაობა.
“დღეს საქართველოს პარლამენტში არ არის ის ადამიანები ვინც შემოქმედი იყო 2012 წლის, მაგრამ მთელ ქართულ საზოგადოებას ახსოვს ხელისუფლების მშვიდობიანი შეცვლა. კონკრეტულმა ადამიანებმა ჩვენი ქვეყანა წინ წაწია. მე მახსენდება 2013 წელი როცა ერთად ვმოღვაწეობდით საქართელოს მთავრობაში და ის სულისკვეთება რაც მაშინ იყო. იმ პერიოდში განხორციელებული პროექტები რაც გააკეთა დავით სერგეენკომ, ის რაც გააკეთა დავით კირვალიძემ, ის რაც მე გავაკეთე განათლების სისტემაში და შემიძლია ვთქვა, რომ იმის მერე განთლების სისტემაში არც არაფერი შეცვლილა” – განაცხადა მარგველაშვილმა.
შეგახსენებთ, რომ დღეს საქართველოს პრეზიდენტი პარლამენტში ყოველწლიური ანგარიშით წარსდგა. ამ დროისთვის პრეზიდენტმა გამოსვლა დაასრულა, თუმცა დებატები 14:30 წუთზე განახლდება.