საფრანგეთის პრეზიდენტმა ემანუელ მაკრონმა დონალდ ტრამპთან გამართულ ერთობლივ პრესკონფერენციაზე სირიის კრიზისზე ისაუბრა:
„ჩვენ შევცვალეთ საფრანგეთის დოქტრინა სირიასთან მიმართებაში. ჩვენი პრინციპული ამოცანაა ტერორისტული ჯგუფების ამოძირკვა“, – აღნიშნა საფრანგეთის პრეზიდენტმა.
მაკრონის განცხადებით, „ასადის ხელისუფლებიდან წასვლა არ წარმოადგენს საფრანგეთისთვის აუცილებელ პირობას“.
ცნობისთვის, საფრანგეთის ყოფილი პრეზიდენტი ფრანსუა ოლანდი ბაშარ ალ-ასადის ხელისუფლებიდან წასვლას ითხოვდა.