ვიცე-პრემიერმა კახა კალაძემ, ე.წ. მოსმენების კანონპროექტთან დაკავშირებით, პრეზიდენტის მიერ ვეტოს შესაძლო გამოყენებასთან დაკავშირებით განცხადება გააკეთა.
მისი თქმით, ვეტოს შემთხვევაში, უმრავლესობა მოისმენს პრეზიდენტის შენიშვნებს, თუმცა „ვეტო დაძლევადია“.
„კანონპროექტზე დიდი ხნის განმავლობაში მიდიოდა მუშაობა. ჯერ არ ვიცი, მოვისმინოთ პრეზიდენტის შენიშვნები, შეიძლება რაღაც გასათვალისწინებელი იყოს, თუმცა, ვეტო დაძლევადია და პარლამენტი მიიღებს ისეთ გადაწყვეტილებას, რაც ქვეყნის განვითარებისა და უსაფრთხოებისთვის არის მნიშვნელოვანი“, – განაცხადა კალაძემ.