პრეზიდენტის საპარლამენტო მდივანი დიმიტრი გაბუნია პროკურატურაში გამოკითხვაზე დაიბარეს. გაბუნია პროკურატურაში 25 სექტემბერს, 11:00 საათზე უნდა მივიდეს.
შეგახსენებთ, პრეზიდენტმა სალომე ზურაბიშვილმა მკვლელობისთვის მსჯავრდებული რამდენიმე პირი შეიწყალა, მათ შორის 22 წლის პოლიციელის, თარაშ მუკბანიანის, გიორგი ოთხმეზურის შვილის, დავით ოთხმეზურისა და სოსო ქოიავას მკვლელობისთვის მსჯავრდებული პირები.