შსს-ს ინფორმაციით, დაკავებულია 2 ეჭვმიტანილი, რომლებმაც სავარაუდოდ ავლაბარში, წურწუმიას ქუჩაზე ტაქსის მძღოლი დააყაჩაღეს. გამოძიების ინფორმაციით, ეჭვმიტანილები დანაშაულს აღიარებენ.
როგორც „მეტრონომს“ შსს-ს პრეს-სამსახურში განუცხადეს, ტაქსის მძღოლი დანის მუქარით დააყაჩაღეს. რაც შეეხება თანხას, წაღებულია 50 ლარამდე.
საქმეზე გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.