ევროკომისარი, იოჰანეს ჰანი საქართველოშია. ვიზიტის ფარგლებში, დღეს, გაიმართება ევროკომისრის შეხვედრები საქართველოს აღმასრულებელი და საკანონმდებლო ხელისუფლების მაღალი რანგის ოფიციალურ პირებთან, ასევე საპარლამენტო უმცირესობის წარმომადგენლებთან.
შეხვედრებზე მხარეების მიერ განხილული იქნება საქართველო-ევროკავშირის თანამშრომლობის დღის წესრიგში არსებული მიმდინარე პრიორიტეტები, ასოცირების დღის წესრიგით გათვალისწინებული ქვეყანაში განხორციელებული თუ მიმდინარე რეფორმები.
ასევე დაგეგმილია 32 მილიონი ევროს საფინანსო შეთანხმების ხელმოწერა, რომელიც ასოცირების შეთანხმების განხორციელების პროცესის მხარდაჭერას ისახავს მიზნად.