aviabiletebi
ახალი ამბები მთავარი სამართალი

ჯარჯი აქიმიძე და დავით დვალი პროკურატურას მიმართავენ

aviabiletebi
ავიაბილეთები

ჯარჯი აქიმიძე და დავით დვალი მთავარ პროკურორ ირაკლი შოთაძეს მიმართავენ. აქიმიძე და დვალი პროკურატურისგან დაზარალებულად ცნობას ითხოვენ. როგორც მათ განცხადებაშია ნათქვამი, პროკურატურას პირველი განცხადებით 6 აპრილს მიმართეს, თუმცა მაქსიმალური 14-დღიანი ვადის გასვლის მიუხედავად პროკურატურას მათ განცხადებაზე რეაგირება დღემდე არ მოუხდენია.
„იძულებული ვართ, მოგმართოთ თხოვნით, რათა უზრუნველყოთ დაზარალებულად ცნობის შესახებ დადგენილების ჩვენთვის გადმოცემა; ასევე გთხოვთ, დაავალოთ საქმის მწარმოებელ გამომძიებელს წერილობით გვაცნობოს, თუ რა ეტაპზეა ამჟამად გამოძიება ჩვენ მიმართ ჩადენილი სისხლის სამართლის დანაშაულის საქმეზე“, – ნათქვამია ჯარჯი აქიმიძისა და დავით დვალის მიმართვაში, რომელიც მთავარ პროკურორს გაეგზავნა.
შეგახსენებთ, სამაუწყებლო კომპანია „რუსთავი 2“-ის დამფუძნებლებისათვის წილების იძულებით წართმევის ფაქტზე გამოძიება 2012 წლის ნოემბრიდან მიმდინარეობს.

იტვირთბა....