საქართველოს ყოფილი პრეზიდენტი მიხეილ სააკაშვილი სოციალურ ქსელში წერს:
„დაბადების დღეზე მაჩუქეს სამხედრო მანქანების ლაზიკას და დიდგორის დიზაინერის, ზვიად ციკოლიას შექმნილი საათი. ძალიან იშვიათად შეხვდები მსოფლიოში ამ დონის დახვეწილ და გემოვნებიან პროდუქტს.
სამწუხაროდ, ზვიადის ნიჭს საქართველო სათანადოდ ვერ იყენებს. დასანანია, რომ ვერ დავასრულეთ პროექტი მისი ხელმძღვანელობით და ჯორჯეტო ჯუჯაროს მონაწილეობით, ქართული დიზაინის ინსტიტუტის შექმნისთვის, მაგრამ მჯერა, რომ ყველაფერი გამოსწორდება“, – წერს სააკაშვილი.