ვაზიანის სამხედრო ბაზაზე შეიარაღებული ძალების მობილიზაციისა და რეზერვის კონცეფციის შესახებ სამდღიანი კონფერენცია მიმდინარეობს.
თავდაცვის მინისტრი თინა ხიდაშელი ნატოს წარმომადგენლებს რეზერვის სრულიად ახალ კონცეფციას აცნობს. თინა ხიდაშელის განმარტებით, კონცეფციის დამტკიცება აქტიური განხილვის შემდეგ მოხდება.
„ყოველ მეორეზე არ არის საუბარი და არც იმაზე არ არის საუბარი, რომ ყველა ადამიანმა აუცილებლად ავტომატი უნდა დაიჭიროს ხელში იმისთვის, რომ ქვეყანას ემსახუროს და მათ შორის თავისი სამხედრო ვალდებულება მოიხადოს. ჩვენ ვუთხარით საზოგადოებას ცალსახად, რომ ემსახურე ქვეყანას ისე, როგორც ყველაზე უკეთ შეგიძლია და სამშობლოს გამოადგები,“ – განაცხადა თინა ხიდაშელმა.
