თბილისის მერმა, კახა კალაძემ რუსეთის მიერ სანქციების თავის ასარიდებლად რუსეთ-საქართველოს შორის შესაძლო ეკონომიკურ ურთიერთობაზე უსაუბრა.
მისი თქმით, არ არსებობს აქტი, რომელიც დაადასტურებს, რომ საქართველო რუსეთთან ურთიერთობს.
„გზავნილები, რომელიც ჩვენ მოვისმენთ, რა თქმა უნდა, რეალობაა. ძალიან მარტივია ადამიანმა ნახოს, რა ხდებოდა საგარეო მიმართულებით საქართველოში 2012 წლამდე, სად ვიყავით, რა ვითარება იყო და 2012 წლის შემდეგ რა ნაბიჯები იქნა გადადგმული. ვერავინ, ვერც ერთი ადამიანი ვერ მოიტანს კონკრეტულ ფაქტს იმასთან დაკავშირებით, რომ საქართველო თანამშრომლობს რუსეთთან, ან ფარულად რაიმეს აწარმოებს. არ არსებობს! ის, რასაც ბოლო თვეების განმავლობაში კონკრეტული ადამიანების მხრიდან ვისმენთ, ჩვენ ხელისუფლების წინააღმდეგ, ეს არის სპეკულაციები და იმ ბინძური პროპაგანდის ნაწილი“, – განაცხადა კახა კალაძემ.
