რუსმა ოკუპანტებმა ხერსონში სამშობიაროს, სკოლისა და პოლიკლინიკის შენობები დაბომბეს. აღნიშნულ ინფორმაციას ხერსონის რეგიონული სამხედრო ადმინისტრაციის ხელმძღვანელი იაროსლავ იანუშევიჩი ავრცელებს:
“დაზიანდა სამშობიაროს შენობა, მეოთხე სართულზე კვამლი გაჩნდა. შენობაში პაციენტები არ იმყოფებოდნენ, იყო მხოლოდ მედპერსონალი. წინასწარი ინფორმაციით, არავინ დაშავებულა. მსხვერპლი არც სკოლაში, არც კლინიკაში არ ყოფილა, მაგრამ შენობებზე ჩამსხვრეულია მინები, კარები, რუსული ჭურვის ფრაგმენტები მოხვდა გაზსადენს”, – წერს ის Telegram-ზე.