[su_quote]სააპელაციო სასამართლომ კი, ხსენებული სამართლებრივი საკითხების სწორად შეფასების ნაცვლად, კიდევ უფრო მძიმე გადაწყვეტილება მიიღო და ნიკა გვარამიას მიმართ სასჯელის სახით თავისუფლების აღკვეთა გამოიყენა იმ ქმედების გამო, რომელიც თავისი შინაარსით სამოქალაქო სამართლებრივია და რომლის სისხლისსამართლებრივად მიჩნევის მტკიცებულებები სისხლის სამართლის საქმეში არ მოიპოვება.
დასაბუთებული განაჩენის მიღებისთანავე სახალხო დამცველი საზოგადოებას დამატებით წარუდგენს საქმის დეტალურ შეფასებას[/su_quote]
ასე გამოეხმაურა საქართველოს სახალხო დამცველი ნინო ლომჯარია სააპელაციო სასამართლოს დღევანდელ პროცესს, რომელზეც მოსამართლე მერაბ ჯორბენაძემ “მთავარი არხის” დირექტორი ნიკა გვარამია პატოიმრობაში დატოვა.