ირანის პრეზიდენტი ებრაჰიმ რაისი ეხმაურება ქვეყანაში მიმდინარე საპროტესტო გამოსვლებს, რაც მორალის პოლიციის მიერ 22 წლის მაჰსა ამინის დაკავებას, ცემას და ახალგაზრდა ქალის გარდაცვალებას მოჰყვა.
ირანის ლიდერი საპროტესტო გამოსვლებს “აჯანყებას” უწოდებს.
“ირანი მტკიცედ უნდა გაუმკლავდეს მათ, ვინც ეწინააღმდეგება ქვეყნის უსაფრთხოებასა და სიმშვიდეს”, – აცხადებს რაისი.
ირანში ბოლო ერთი კვირის განმავლობაში ქვეყნის 31 პროვინციაში გამართული დემონსტრაციების შედეგად 35 ადამიანი დაიღუპა.