უკრაინის პრეზიდენტის აპარატის უფროსის მრჩეველმა მიხაილ პოდოლიაკმა ნათლად განაცხადა, რომ უკრაინა ლეგიტიმურ სამხედრო სამიზნედ მიიჩნევს ყირიმის ხიდს, რომელიც აკავშირებს ოკუპირებულ ყირიმის ნახევარკუნძულს რუსეთის მატერიკთან.
ამის შესახებ RBC-უკრაინა The Guardian- თან ინტერვიუში პოდოლიაკის განცხადებაზე დაყრდნობით იუწყება.
“ეს არის უკანონო მშენებლობა და მთავარი კარიბჭე ყირიმში რუსული არმიის მომარაგებისთვის. ასეთი ობიექტები უნდა განადგურეს”, – თქვა მან.
შეგახსენებთ, რომ 16 აგვისტოს ყირიმის ხიდზე მოძრაობის ახალი რეკორდი დაფიქსირდა. ხიდზე ორივე მიმართულებით 38,3 ათასმა მანქანამ გაიარა.
ეს მოხდა მას შემდეგ, რაც ოკუპირებულ ყირიმში რუსების რამდენიმე სამხედრო ავიაბაზაზე აფეთქებები დაფიქსირდა.
როგორც ინფორმაცია ვრცელდება, აფეთქების მიზეზი უკრაინელების კარგად კოორდინირებული თავდასხმა გახდა.
ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.