რუსეთის პრეზიდენტი, ვლადიმერ პუტინი აცხადებს, რომ უკრაინაში “სპეციალური ოპერაციის” მთავარი მიზანი დონბასის მიწის “გათავისუფლებაა”.
მისივე თქმით, რუსები ამ და სხვა დასახულ მიზნებს წარმატებით ახორციელებენ.
„სპეციალური სამხედრო ოპერაციის დროს, ჩვენი ჯარისკაცები, დონბასის მებრძოლებთან ერთად, ღირსეულად ასრულებენ თავიანთ მოვალეობას, იბრძვიან რუსეთისთვის, დონეცკისა და ლუგანსკის სახალხო რესპუბლიკებში მშვიდობიანი ცხოვრებისთვის, ნათლად ასრულებენ ყველა დასახულ ამოცანას, ეტაპობრივად „ათავისუფლებენ“, დონბასს“, – განაცხადა პუტინმა.
ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.
