რუსეთის პირველი არხის ყოფილ თანამშრომელ მარინა ოვსიანიკოვას, რომელმაც უკრაინის წინააღმდეგ ომი პირდაპირ ეთერში გააპროტესტა, ორთვიანი შინაპატიმრობა მიუსაჯეს. ის შინაპატიმრობაში სასამართლო პროცესამდე დარჩება, რომელიც 9 ოქტომბერს არის ჩანიშნული.
“ვრემიას” რედაქტორი მარინა ოვსიანიკოვა მიმდინარე წლის 15 მარტს პირდაპირ ეთერში უკრაინის მხარდამჭერი ბანერით გამოჩნდა, რის შემდეგაც ის დააკავეს.
მანამდე, მან ვიდეომიმართვა გაავრცელა, რომელშიც თქვა: “სამწუხაროდ, ვაშუქებდი კრემლის პროპაგანდას, რის გამოც ძალიან მრცხვენია”.
გამამტყუნებელი განაჩენის შემთხვევაში, ჟურნალისტს 10-წლიანი პატიმრობა ემუქრება.