ჯავის რაიონში მდინარეში დაკარგული 19-წლის ბიჭის ცხედარი იპოვეს, – აღნიშნულის შესახებ ინფორმაციას “შიდა ქართლის საინფორმაციო ცენტრი” ავრცელებს.
მედიის ცნობით, 19-წლის ბიჭის ცხედარს სოფელ ითრაფისის ტერიტორიაზე, მდინარე ლიახვში მიაგნეს.
“ბიჭი კი მდინარე ფაწამ ჯავის რაიონში, სოფელ ყემელთაში გაიტაცა.
დაკარგულ ბიჭს 60 მაშველი და 20-მდე ადგილობრივი მცხოვრები ეძებდა. მდინარეების მოულოდნელი ადიდება უხვმა ნალექმა გამოიწვია.
როგორც ოსური სააგენტოები წერენ, ბიჭი მდინარეში შემთხვევით ჩავარდა”, – წერს მედია.