უკრაინის პრეზიდენტმა ვლადიმირ ზელენსკიმ განაცხადა, რომ ჭორები რუსეთის პრეზიდენტის, ვლადიმერ პუტინის სავარაუდო დაავადების შესახებ მისთვის საინტერესო არ არის.
„არ ვიცი რა ხდება ვლადიმერ პუტინთან. ვფიქრობ, მას აქვს ერთი მძიმე დაავადება და ის უფრო სერიოზულია, ვიდრე ის, რომელზეც თქვენ საუბრობთ. ვგულისხმობ დაავადებას, რომელიც დაკავშირებულია ჩვენი ხალხის პატივისცემასთან, შემოჭრის დაავადებასთან. და ადამიანების წამებასთან, რომელიც მათ ჩაიდინეს ჩვენს მიწაზე“, – თქვა სახელმწიფოს მეთაურმა NBC-სთან ინტერვიუში, რომელიც ოთხშაბათს გამოქვეყნდა მის Telegram არხზე.
პრეზიდენტმა ასევე განაცხადა, რომ ეს ერთზე მეტი ადამიანის პრობლემაა.
“რუსეთის პრეზიდენტის გარემოცვაში ბევრი ადამიანი ავად არის. ზედმეტად მაღალი ამბიციები, უუნარობა, საერთაშორისო სამართლის, ადამიანთა სიცოცხლის უპატივცემულობა. ეს ყველაფერი მათთვის არაფერს ნიშნავს. ეს დაავადება საფრთხეს უქმნის ჩვენს ქვეყანას. დანარჩენი ჭორებია და ისინი ჩემთვის საინტერესო არ არის“, – განაცხადა ზელენსკიმ.