მკერდმოშიშვლებული ცხენოსნობა საუკეთესოა, – Reuters-ის ცნობით, ასე დასცინიან G7-ის ლიდერები პუტინს.
როგორც ცნობილია მათი მთავარი განსახილველი თემა რუსეთ-უკრაინის ომი იყო.
დიდი ბრიტანეთის პრემიერმა, ბორის ჯონსონმა ირონიულად იკითხა: “გავიხადოთ ქურთუკები, თუ კიდევ უფრო მეტი რამ? ჩვენ ყველამ უნდა ვაჩვენოთ, რომ პუტინზე მაგრები ვართ”.
“მკერდმოშიშვლებული ჭენება”, – პასუხობს მას კანადის პრემიერმინისტრი, ჯასტინ ტრუდო.
“ოჰ, დიახ, ჭენება საუკეთესოა”, – გამოეხმაურა ევროკომისიის პრეზიდენტმა, ურსულა ფონ დერ ლეიენმა.
პუტინი, რომელიც აფასებს თავის სპორტულ იმიჯს, რამდენჯერმე იყო წელზემოთ შიშველი გამოსახული რუსეთის სახელმწიფო მედიის მიერ გამოქვეყნებულ ფოტოებზე.