რუსეთმა საკუთარი უახლესი გემი, “ადმირალი მაკაროვი” სევასტოპოლიდან შავ ზღვაში საკუთარი პოზიციების გასამაგრებლად გადაიყვანა, – ოპერატიული სარდლობა ” სამხრეთი” უკრაინას ზღვიდან სარაკეტო დარტყმის ალბათობის გაზრდის შესახებ აფრთხილებს.
სარდლობის ინფორმაციით, დღეს ნიკოლაევისა და ხერსონის რაიონებში მტრის საბრძოლო ტაქტიკაში მნიშვნელოვანი ცვლილებები არ შეინიშნება. როგორც ადრე, მტერი მოკლებულია წინსვლის შესაძლებლობას, ამაგრებს თავის პოზიციებს და ცდილობს საჰაერო დაზვერვის ჩატარებას.
„ოდესის რეგიონში ვითარება სტაბილური და კონტროლირებადია. მაგრამ იმის გათვალისწინებით, რომ შავი ზღვის ფლოტის ერთ-ერთი უახლესი ხომალდი, ადმირალ მაკაროვი, სევასტოპოლიდან გადავიდა შავ ზღვაში 7 დიდი სადესანტო გემის დაჯგუფებაში, გასათვალისწინებელია, რომ სარაკეტო დარტყმის ალბათობა კვლავ იზრდება“, – ნათქვამია განცხადებაში.
აღნიშნულია, რომ დღის განმავლობაში ჩვენი სარაკეტო და საარტილერიო დანაყოფების მოქმედების შედეგებით, ავიაციასთან ერთად, მტერმა დაკარგა მინიმუმ 55 მებრძოლი და რამდენიმე ცალი ჯავშანმანქანა, საბოლოო რაოდენობა ზუსტდება.
ასევე, ხერსონის რეგიონში განადგურდა ორლან-10 ტიპის სადაზვერვო დრონი.
ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.
