უკრაინელმა სამხედროებმა, ჩერნობაევკასთან ოკუპანტების საბრძოლო მასალის საცავი გაანადგურეს, – უკრაინული მედიის ცნობით, აღნიშნულის შესახებ ოპერატიული სარდლობა “სამხრეთი” სოციალურ ქსელში იუწყება.
მისივე ცნობით, ხერსონისა და ნიკოლაევის რაიონებში რუსი დამპყრობლები აგრძელებენ გაძლიერებას ოკუპირებულ ხაზებზე და აქტიურ შეტევითი ოპერაციებს არ ატარებენ.
„ამავდროულად, უკრაინის სარაკეტო და საარტილერიო დანაყოფებმა, ავიაციასთან თანამშრომლობით, დღის განმავლობაში 100-ზე მეტი დარტყმა მიაყენეს მტრის პოზიციებს.
ჩერნობაევკას მახლობლად დადასტურდა 75 რაშისტის და თითქმის 20 ცალი ტექნიკის დაკარგვა, კერძოდ, 4 ბუქსირი და 2 თვითმავალი ჰაუბიცა „მსტა-ს“, 4 ნაღმსატყორცნების სისტემა, 2 ერთეული ჯავშანტექნიკა და 4 მანქანა და კიდევ 2 ტექნიკური სახელოსნო და 1 უპილოტო საფრენი აპარატი“, – ნათქვამია განცხადებაში.
ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.