უკრაინამ აშშ-სგან 90 ტონა ლეტალური იარაღი მიიღო, – აღნიშნულის შესახებ უკრაინული მედია იუწყება.
მისივე ცნობით, ტვირთი მოიცავს დაახლოებით 200 მლნ დოლარის ღირებულების ლეტალურ იარაღს, საბრძოლო მასალის ჩათვლით.
„პრეზიდენტ ბაიდენის მიერ უკრაინისთვის დამტკიცებული უსაფრთხოების პაკეტის რამდენიმე ნაწილიდან პირველი უკვე კიევშია. ეს დახმარება ადასტურებს შეერთებული შტატების მტკიცე ერთგულებას უკრაინის თავდაცვის გაძლიერების მიმართ რუსული აგრესიის მზარდ ფონზე“, – ნათქვამია საელჩოს განცხადებაში.