მაგალითად, თუნდაც ბოტოქსზე რომ საუბრობენ, უმაღლესი თანამდებობის პირია პრეზიდენტი, საქართველოს წარმომადგენელი. ეს არის ჩვეულებრივი სამკურნალო პროცედურა იმისთვის, რომ პრეზიდენტი გამოიყურებოდეს ჯანსაღად და ისე, რომ ქვეყანას წარმოადგენდეს ადეკვატურად. თუ ვიზაჟისტი დღესაც ჰყავს პრეზიდენტის ადმინისტრაციას და ამის ხელფასს ვიხდით ჩვენ ჩვენი ჯიბიდან, ის რომ სამკურნალო პროცედურები ჩაუტარდეს პრეზიდენტს, ამაში პრობლემა რაში მდგომარეობს? ეს სისხლის სამართლის ბრალდების საგანი უნდა იყოს და ეს სასამართლო განხილვის საგანი უნდა იყოს? ასეთ დონეზე უნდა დაეშვას ჩვენს ქვეყანაში პოლიტიკურად მოტივირებული სასამართლო სისტემა?
ამის შესახებ საქართველოს მესამე პრეზიდენტის ადვოკატმა, ბექა ბასილაიამ ტვ პირველის ეთერში განაცხადა, რითაც გამოეხმაურა პიჯაკების საქმეზე მიხეილ სააკაშვილისთვის წარდგენილ ბრალდებას. შეგახსენებთ, რომ პიჯაკების საქმეზე ყოფილ პრეზიდენტს, მიხეილ სააკაშვილსა და სახელმწიფო დაცვის ყოფილ უფროსს, თეიმურაზ ჯანაშიას სახელმწიფო ბრალდება საბიუჯეტო თანხების დიდი ოდენობით [8 837 461 ლარი] ჯგუფურად გაფლანგვას ედავება.