Facebook-ზე გავრცელდა ვიდეო, რომელშიც ჩანს, რომ არასრულწლოვნები თანატოლზე ძალადობენ. ვიდეო ერთ-ერთ სოციალურ ქსელში ტიკ-ტოკში გავრცელდა.
ვიდეო სავარაუდოდ ბათუმის ბულვარშია გადაღებული.
“მითხარი, რა ხარ… მითხარი მეთქი, რა ხარ, კიდე გაიმეორე, თორე დაგარტყამ კიდევ ერთხელ”,- გვესმის ვიდეოში.
როგორც შინაგან საქმეთა სამინისტროში მეტრონომს განუცხადეს, გამოძიება სისხლის სამართლის კოდექსის 151-ე მუხლით დაიწყო, რაც მუქარას გულისხმობს. მათი თქმით, ჩატარდა გამოკითხვები, მათ შორის არასრულწლოვნების.