მოქალაქეები აცხადებენ, რომ თბილისში, გოგელიას კლინიკაში, გრიპის ვაქცინის ნაცვლად, სავარაუდოდ, გაურკვეველი პრეპარატი გაუკეთეს.
ამის შესახებ ინფორმაციას საზოგადოებრივი მაუწყებელი ავრცელებს.
მათი ინფორმაციით, ადგილზე მყოფები ყვებიან, რომ ისინი კლინიკაში გრიპის ოთხკომპონენტიანი ვაქცინით ასაცრელად მივიდნენ და 75 ლარი გადაიხადეს. ამის შემდეგ, მათ ვაქცინის შეფუთვის ჩვენება მოითხოვეს, რაზეც მედპერსონალისგან უარი მიიღეს.
მოქალაქეები ყვებიან, რომ მათ ადგილზე სამართალდამცავები გამოიძახეს.