მდუმარების დრო არ არის, ზარის დროა და ყვირილის დროა, რომ კორუფციის გამო ვეძებთ ჩვენს შვილებს ნანგრევებში. ასე რომ, შენ შეგიძლია ყოველთვის გააკეთო პატარა აქცია ტაშ-ფანდურის გარეშე, როგორც გავაკეთეთ, ილაპარაკო კორუფციაზე, უკანონობაზე, ზარი უთხრა შენს გარდაცვლილებს, რომელიც ჩვენი ტრადიცია იყო ყოველთვის. იმ მართლმსაჯულებას ვაპროტესტებდით, რომელმაც გადაწყვიტა ყოფილი პრეზიდენტის გასამართლება, რომელმაც ლომის წილი შეიტანა სახელმწიფოს შენებაში. ხვალ, 14-ში მინდა ყველას ვუთხრა, რომ წყენა არ არსებობს, ჩვენ ვართ ერთნი და ხვალ, 14-ში პრეზიდენტის თავისუფლებისთვის… სირცხვილია, რომ მოკვდეს ამისთანა პრეზიდენტი ციხეში
ამის შესახებ პარტია კანონი და სამართლის ლიდერმა, თაკო ჩარკვიანმა რუსთავი 2-ის ეთერში ნაციონალური მოძრაობის მიერ დაგეგმილ ხვალინდელ აქციაზე საუბრისას განაცხადა. შეგახსენებთ, რომ ნაციონალური მოძრაობა ხვალ საქართველოს მესამე პრეზიდენტის, მიხეილ სააკაშვილის მხარდამჭერ აქციას გამართავს.