თალიბებმა ავღნეთში, ქალაქ ჰერათის ცენტრალურ მოედანზე ადამიანის ცხედარი ამწეზე ჩამოკიდეს.
ამის შესახებ ინფორმაციას The Associated Press-ი ავრცელებს.
გამოცემის ცნობით, ვაზირ აჰმად სედიქი, რომელიც ცენტრალურ მოედანზე აფთიაქში მუშაობს, მათთან საუბარში ამბობს, რომ მოედანზე თავდაპირველად 4 ცხედარი მიიტანეს, ხოლო შემდეგ სამი ქალაქის სხვადასხვა ნაწილში წაიღეს.
თალიბანის განცხადებით, ოთხი ადამიანი გატაცებაში იღებდა მონაწილეობას და ისინი პოლიციამ მოკლა. მათივე თქმით, თალიბანის წევრებმა გაათავისუფლეს მამა-შვილი, რომლებიც ოთხმა გამტაცებელმა გაიტაცა.
დაპირისპირების დროს სროლისას დაიჭრა თალიბანის მებრძოლი და 1 სამოქალაქო პირი, ხოლო გამტაცებლები სროლის შედეგად დაიღუპნენ.