ჩვენ ძალიან გვინდოდა, სექტემბერში კიდევ მეტი ყოფილიყო აცრის რაოდენობა, ვიდრე აგვისტო, ავსულიყავით 800-900 ათასზე და ვოცნებობდით მილიონზე, მაგრამ როგორც ჩანს, ეს არ გამოდის. 16 სექტემბრიდან აცრების მაჩვენებელი თანდათან იკლებს. ამას ბევრი მიზეზი აქვს, მაგრამ ერთ-ერთი მიზეზია, ალბათ, ის, რომ კომუნიკაციას ვაკლებთ საზოგადოებასთან.
ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებთან საუბრისას განაცხადა.