მეც ოცნების ნაწილი ვიყავი და ერთი სიტყვა არ გადამიბრუნდება წარსულზე, რაღაც აუგი ვთქვა, ჩემთვის ეს მიუღებელია! რაც არ უნდა მოხდეს და როგორც არ უნდა გვლანძღონ, ჩვენ მაინც ღირსეულად უნდა მოვიქცეთ და ღირსება უნდა იყოს ჩვენი მთავარი ფასეულობა და კრიტერიუმი. ახლა მთავარი არის, რომ ამ არჩევნებზე ისეთი ნაბიჯი გადავდგათ და ისეთი არჩევანი გავაკეთოთ – ამ ქვეყანაში ლანძღვა, გინება, ჭორაობა, დავიდარაბა დამთავრდეს ერთხელ და სამუდამოდ. როგორ შეიძლება ყველა არჩევნებზე აი ასე ერთმანეთი ვლანძღოთ ქართველებმა, რაღაცა ღირსება ხომ უნდა იყოს? – არ შეიძლება
განაცხადა პარტია საქართველოსთვის თავმჯდომარემ გიორგი გახარიამ დაბა ხარაგაულში ახალი ოფისის გახსნისას. ქართული ოცნების თავმჯდომარის, ირაკლი კობახიძის თქმით, გახარიას გუნდის შიგნით “ბოლს” ეძახდნენ – ადამიანი, რომელიც ბევრს საუბრობდა და ნაკლებ საქმეს აკეთებდა.