ხელისუფლება პირდაპირ ომზე გადმოვიდა. მედიასთან დაიწყო პირდაპირ ომი, ეს არის ბოლო გაფართხალებასავით. ყველა ხელისუფლება კრიტიკულ მედიას ომს უცხადებს ხოლმე ბოლოს. ეს არის მათი ბოლო ჟამი. ძალიან გული მწყდება რომ ესენიც ამ რეჟიმზე გადავიდნენ. უნდათ ომი? – ვდგავართ ქუჩაში. ისინი ყველაფერს აკეთებენ, შეურაცხყოფენ, დაგვცინიან, ცდილობენ ფსიქოლოგიურად გაგვანადგურონ, ფიზიკურად გვისწორდებიან. დამიჯერეთ, თუ კი რამე მინახავს, ასე იქცევა ხელისუფლება, როცა მისი ბოლო ჟამი აკაკუნებს კარს.
ამის შესახებ ჟურნალისტი ინგა გრიგოლია TV პირველის ეთერში საუბრობს.