ევროპული საქართველოს თავმჯდომარის, გიგა ბოკერიას განცხადებით, თბილისის მერობის კანდიდატის, კახა კალაძისთვის ხმის მიცემა ნიშნავს “მორგოშიასთვის, ფალავანდიშვილისთვის, კობახიძისა და ღარიბაშვილისთვის ხმის მიცემას” და არავინ არ უნდა მოტყუვდეს.
“ყველა, ვინც ფიზიკურ ძალადობას ან ძალადობისაკენ პირდაპირ მოწოდებას და დაორგანიზებას სიძულვილის, რომელსაც მოჰყვება ძალადობა, აიგივებს თუნდაც მისი აზრით უსამართლო კრიტიკასთან, ამით, ერთი მხრივ, უპირისპირდება სიტყვის თავისუფლებას, მეორე მხრივ კი, ირიბად მოძალადეებს მხარს უჭერს, რაც გააკეთა კალაძემ”,- ამბობს ბოკერია.
შეგახსენებთ, რომ ქართულმა ოცნებამ 20 ივლისს თბილისის მერობის კანდიდატად კვლავ მოქმედი მერი კახა კალაძე წარადგინა.