ახალი ამბები მთავარი პოლიტიკა

ბოკერია: რურუა თავისუფალია, მელია თავისუფალია – ეს ფურცელი დაიხურა

“პოლიტპატიმარი მელია თავისუფალია – გილოცავთ”, – ასე ეხმაურება ევროპული საქართველოს ლიდერი გიგა ბოკერია ერთიანი ნაციონალური მოძრაობის თავმჯდომარის, ნიკა მელიას საპატიმროდან გათავისუფლებას.

როგორც ბოკერიამ ტვ პირველის ეთერში განაცხადა, თავისუფალმა სამყარომ მელია პოლიტპატიმრად დაკავებისთანავე აღიარა.

“კარგია, რომ მელია თავისუფალია; კარგია, რომ მკაფიო პოზიცია ჰქონდა მელიას დაკავებისთანავე თავისუფალ სამყაროს, რომ ის პოლიტპატიმარია და ეს უდაოა. უტიფარი, აბსურდული და ბოდვითი განცხადებები – დღეს მოვისმინე, რომ რადგან გირაო გადაიხადა ევროკავშირმა, ეს იყო დადასტურება, რომ არ იყო ნიკა მელია პოლიტპატიმარი. ივანიშვილის რეჟიმმა მეტ-ნაკლები წარმატებით ივაჭრა ამ მოლაპრაკებების დროს ოპოზიციასთან მელიას პატიმრობით – ეს არ არის კარგი. თავისთავად, პრეცედენტი, რომ ავტორიტარული რეჟიმის მიერ დაკავებულ პოლიტპატიმარში გირაო გადაიხადა ევროკავშირმა, ეს სარისკო პრეცედენტია… მაგრამ რადგან რურუა თავისუფალია, მელია თავისუფალია – ეს ფურცელი დახურულია”, – განაცხადა ბოკერიამ.

შეგახსენებთ, ნიკა მელიამ რუსთავის #12 სასჯელაღსრულების დაწესებულება რამდენიმე საათის წინ დატოვა.

ავიაბილეთები იაფად
იტვირთბა....

სხვა ამბები

ესტონეთი საქართველოს 100 000 დოზა ვაქცინით დაეხმარება

გოლეთიანი: მცდელობა მიდის, რომ მედიაციის პროცესი ჩაშალონ

კობახიძე პრაიდზე: სრული კონტექსტის გათვალისწინებით, უარი უნდა ეთქვათ ღონისძიების ჩატარებაზე

(ვიდეო) კობახიძე: პოლიტიკაში ივანიშვილი პელეა

ვარშავაში დაკარგულ საქართველოს მოქალაქეს ეძებენ

კობახიძე: 20 ივნისის ღამე წყლის ჭავლის არგამოყენება იყო უხეში შეცდომა