საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ცნობით, Oxford-AstraZeneca-ს ვაქცინის მეორე დოზის მისაღებად, მოქალაქეები რეგისტრაციას დღეს, 20:00 საათიდან შეძლებენ.
აცრის პროცესი კი, 10 მაისიდან დაიწყება.
“დოზებს შორის ინტერვალი 4-12 კვირაა. სამედიცინო დაწესებულებას ირჩევთ სურვილისამებრ.
ასაკობრივი შეზღუდვა არ ვრცელდება მათზე, ვინც პირველი დოზით აცრა ჩაიტარა ასტრაზენეკას ვაქცინით”, – ნათქვამია დაავადებათა კონტროლის ცენტრის ინფორმაციაში.