ახალი ამბები მთავარი საზოგადოება

ინტერპოლი საქართველოს ყალბი ვაქცინის შესახებ საგანგებოდ აფრთხილებს – რა თაღლითური სქემები მუშაობს ვაქცინაციასთან დაკავშირებით

საქართველომ ინტერპოლისგან ყალბი ვაქცინის შესახებ საგანგებო გაფრთხილება მიიღო. როგორც ირკვევა, კრიმინალური ჯგუფები სიცოცხლისთვის საშიშ ფალსიფიცირებულ პრეპარატებს ყიდიან. აღმოჩენილია კუსტარულად მოწყობილი საწყობიც.

პანდემიასთან ერთად ყოველდღიურად თაღლითობის ახალი სქემები იქმნება. ჩინეთში მხოლოდ ერთი საწარმოდან 80-ზე მეტი ადამიანია დაკავებული.

ყალბი ვაქცინების ათასობით დოზას მიაკვლიეს სამხრეთ აფრიკაშიც. კრიმინალური პოლიციის საერთაშორისო ორგანიზაციის გაფრთხილების შემდეგ ქვეყნის ძალოვანმა უწყებამ სპეცოპერაცია სამხრეთ აფრიკაში, მოსახლეობის რაოდენობით ყველაზე დიდ ქალაქში ჩაატარა. ინტერპოლმა ყალბი ვაქცინები იოჰანესბურგში, ერთ-ერთი სახლის საწყობიდან ამოიღო. დაკავებულია ჩინეთის სამი და ზამბიის ერთი მოქალაქე.

ყალბი ვაქცინების გაყიდვის სავარაუდო შემთხვევებზე საუბრობენ დიდ ბრიტანეთშიც. ქვეყნის ეროვნული ჯანდაცვის ცენტრმა მოსახლეობის გაფრთხილება უკვე დაიწყო. მოქალაქეებს ელექტრონული ფოსტით თაღლითურ შეტყობინებებს, გარკვეულ ბმულებთან ერთად უგზავნიან, სადაც წერია, რომ მათ ვაქცინის მისაღებად რეგისტრაცია უნდა გაიარონ, თუმცა ნამდვილი ვაქცინაციისთვის მსგავსი პროცედურა საჭირო არაა.

დაცული იქნება თუ არა საქართველო ვაქცინაციისას თაღლითებისგან – ამ თემაზე ექსპერტები უკვე მსჯელობენ. პრობლემა მხოლოდ მაშინ შეიქმნება, თუ კორონავირუსის საწინააღმდეგო ვაქცინა ქვეყანაში კერძოდ გაიყიდება. სპეციალისტები საინფორმაციო კამპანიისა და მოსახლეობის ინფორმირებულობის მნიშვნელობაზე საუბრობენ.

ავიაბილეთები იაფად
იტვირთბა....

სხვა ამბები

ტიკარაძე: ეკლესიის მხარდაჭერა ისევე, როგორც შარშან, იქნება ძალიან აქტიური

ტიკარაძე: სააღდგომოდ შეზღუდვები დრამატული და კატეგორიული არ იქნება

ზიმბაბვეში, ტურისტების მიზიდვის მიზნით, 500 სპილოზე ნადირობის ლიცენზიებს გასცემენ

Tato Chakhnashvili

საბერძნეთის ციხეში ქართველი “კანონიერი ქურდი” გარდაცვლილი ნახეს

მაკალისტერი: მოვუწოდებ ყველა პოლიტიკურ პარტიასა და ცალკეულ დეპუტატებს, ხელი მოაწერონ დოკუმენტს

მაჭარაშვილი: მელია დააყენეს დილემის წინაშე – გამოვა ვაია, არ გამოვა – ვუია