“საერთაშორისო გამჭვირვალობა-საქართველო” მარნეულის საარჩევნო უბანზე ხმის მიცემის პროცედურის დარღვევის შესახებ სოციალურ ქსელში წერს.
“მარნეულში N13.22.65 უბანზე ჩვენმა დამკვირვებელმა დააფიქსირა პირი, რომელმაც სულ მცირე ათჯერ მისცა ხმა, მათ შორის სამჯერ მოხერხდა მისი ქმედებების ვიდეო ჩანაწერით დაფიქსირება”, – ნათქვამია ორგანიზაციის “ფეისბუქ” გვერდზე.
შეგახსენებთ, ამ დროისთვის მარნეულში სპეცრაზმია მობილიზებული. მარნეულში მეათე მოწვევის საპარლამენტო არჩევნები ხმაურის ფონზე მიმდინარეობდა.