საქართველოში კორონავირუსის 298 ახალი შემთხვევა გამოვლინდა, ხოლო გამოჯანმრთელებულთა რიცხვი არ შეცვლილა.
ამის შესახებ ინფორმაცია მთავრობის მიერ შექმნილ სპეციალურ ვებგვერდ stopcov.ge-ზე ცოტა ხნის წინ განახლდა.
ამ დროისათვის საქართველოში კორონავირუსის 5 552 შემთხვევაა დადასტურებული.
stopcov.ge-ს მონაცემებით, გამოჯანმრთელებულთა რიცხვი ბოლო 24 საათში არ შეცვლილა. განკურნებულთა რაოდენობა 1906-ს შეადგენს.
კორონავირუსის შედეგად, ქვეყანაში 28 პაციენტი გარდაიცვალა.
კარანტინის რეჟიმში იმყოფება 5 650 მოქალაქე, ხოლო სტაციონარში მეთვალყურეობას 836 ადამიანი გადის.
ამასთან, კოვიდ სასტუმროში მყოფი პირების რაოდენობა 800-ს შეადგენს. უცხოეთიდან სამკურნალოდ გადმოყვანილია საქართველოს 41 მოქალაქე.
გუშინ, 27 სექტემბერს საქართველოში კორონავირუსის 294 შემთხვევა გამოვლინდა.