ცხოველთა მონიტორინგის სააგენტო პითონის გაქცევის შესახებ ინფორმაციას ავრცელებს, თუმცა, მათივე ცნობით, გველი უკვე დაჭერილია.
არსებული ინფორმაციით, პითონი გლდანში, ერთ ერთი ზოომაღაზიიდან გაიქცა.
“გუშინ, საღამოს დაახლოებით 19:30-ზე მონიტორინგის ცხელ ხაზზე შეტყობინება შემოვიდა. საკმაოდ აღელვებული, შეშინებული ხმით მამაკაცი დახმარებას ითხოვდა:
-პითონი გამექცა, დამეხმარეთ…
დავანგრიეთ მრავალი კედელი, მაქსიმალურად, გავასუფთავეთ უზარმაზარი ტერიტორია ავეჯისა და ნივთებისგან ფანრის შუქზე თითქმის შიშველი ხელებით. არ დაგვიტოვებია არცერთი კუთხე, არც კუნჭული და მთავარი ,,დამნაშავეც” გამოვიჭირეთ”, – ნათქვამია სააგენტოს მიერ გავრცელებულ ინფორმაციაში.