საზოგადოება ჯანდაცვა

“სპიკერფობიის” ტრენინგით ჩვენ შეგვიძლია ფობია ვაქციოთ შესაძლებლობად” – მაგდა კოტრიკაძე

რა არის სპიქერფობია და რას წარმოადგენ პიარს ფსიქოლოგიის მეთოდოლოგია?

სპიქეროფობია გამოხატვის შიშია, რომელიც ადამიანს ნებისმიერ ასაკში შეიძლება გამოუვლინდეს და ღრმად სიბერემდე გაჰყვეს. თუმცა თუ აქვს სურვილი პიარფსიქოლოგიის მეთოდის წყალობით შეუძლია სწრაფად და ეფექტურად დაძლიოს. ეს მეთოდოლოგია მე მეკუთვნის და ჩემი საავტორო ტრენინგების მეშვეობით გეძლევათ საშუალება სრულად გათავისუფლდეთ ამ მტანჯველი ფობიისგან, რომელიც წარმატებაში ხელს გიშლით, გაფერხებთ, ეს ერთგვარი გამოწვევაა. თქვა რაც გსურს, რასაც განიცდი, თუ თავი შეიკავო და გაჩუმდე.

აკრძალული სურვილები აავადებს ადამიანს, ხშირად გვიკვირს, თუ რატომ გავხდით ავად, შეგვექმნა ჯანმრთელობის პრობლემა, ან გვაწუხებს ქრონიკული უმადობა, თავის ტკივილი, სევდა, რომელიც ლანდივით თან დაგვდევს? ამ პრობლემის მიზეზი ხშირად გამოხატვის შეზღუდვაა. თუ გინდა, რომ თამამად გამოხატავდე და წარადგენდე თავს, ეს პროგრამა შენთვისაა. სპიკერფობია შეიძლება ნებისმიერ სივრცეში შეგექმნას, მაშინ როდესაც ესალმები და მაშინაც კი როცა წყვეტ კონტაქტს, გამოდიხარ საპასუხიმგებლო სიტყვით, წარადგენ თემას, წარადგენ საკუთარ თავს. თუმცა ყოველთვის არის შანსი ფობია აქციო შესაძლებლობად და გადადგა წინ ნაბიჯი, წაიწიო როგორც კარიერულად ასევე პირად ცხოვრებაში წინ. გრძნობდე და განიცდიდე საკუთარ თავს. სამსახურის რუტინა ზოგჯერ გვაკარგვინებს შეგრძნებებს, ვწყვეტთ კონტაქტირებას საკუთარ ეგოსთან და ბრმად მივყვებით მოვლენებს. სცენარებს რომელიც რომელიმე ასაკში საჩუქრად მივიღეთ, საჩუქრად რომელიც არ გვითხოვია. გარემო შობს ჩვენში ადამიანს, სოციუმი აყალიბებს განსხვავებულ მეს ჩვენში, მეს, რომელიც ადაპტურია, მორგებულია გარემოზე. იმისათვის რომ არ ვიყოთ კონფლიქტში გარემოსთან ზოგჯერ ყველა საშუალებას ვიყენებთ: ვქრებით გარემოში, ვაქრობთ გარემოს, ვდუმდებით, ვიკეტებით და განახლების სურვილებს ვკლავთ ჩვენში. იმისათვის რომ ჩვენზე მიკუთვნებულ გარემოში თავი აღმოვაჩინოთ გვჭირდება უბრალოდ დანახვა შეგრძნების დონეზე

რა მიღწევები გაქვთ ამ მიმართულებით? რა შედეგზე გადიხართ ტრენინგის პროცესში?

ჩვენ შეგვიძლია საკუთარი ფობია ვაქციოთ შესაძლებლობად. მთავარი საკითხის იდენტიფიცირებაა. ეს არის შანსი შეკავებული და დათრგუნული ენერგია, ხელიდან გაშვებული შესაძლებლობები წარმატებად გარდავქმნათ.

რა ასაკში ვითარდება სპიკერფობია?

ადამიანში შეიძლება სპიკერფობია განვითარდეს წარდგენის დაწყებამდე, პროცესში ან შემდგომ. შეიძლება გაჩნდეს მაშინ, როცა ის სრულიად პატარაა ან ზრდასრულ ასაკში. ჩვენ უნდა ვიცოდეთ, რომ აუდიტორიაში შეიძლება დაგვხვდეს სხვადასხვა ტიპის დამსწრე ვიზუალი, აუდიალი ან კინესტეტიკი და ჩვენ მათთვის უნდა ვიყოთ საინტერესო. პირველი რაც ადამიანმა უნდა გააკეთოს უნდა მიიღოს საკუთარი თავი, ეცადოს იცხოვროს სპიქერფობიასთან ერთად და დაუმეგობრდეს მას. ჩვენ ტრენინგზე ვეცნობით სხვადასხვა ტექნიკებს. ტრენინგი არის სრულად მხარდამჭერი ადამიანისთვის, ცოცხალი პროცესია და იძლევა გამოხატვის საშუალების სხვადასხვა ფორმებს. დაინტერესება საკმაოდ მაღალია და მოგვმართავს სხვადასხვა ასაკის ადამიანი.

რა გეგმები გაქვთ ამ ეტაპზე და როგორ ხედავთ მეთოდოლოგიის განვითარებას?

დღეისათვის, 1 ივლისს დაიგეგმა ქართული განათლების ცენტრთან ერთად შეხვედრა შშმ ბავშვების დასახმარებლად. ჩვენ გვაქვს მათთან კონტაქტი და ვიცით რომ ესაჭიროებათ სტომატოლოგიური მომსახურების დაფინანსება, ცხადია არსებობს სხვა საჭიროებებიც, რომელსაც ამ ეტაპზე ვერ გავწვდებით, მაგრამ ჩვენ განვაგრძობთ მათზე ზრუნვას ყველა მოქალაქესთან და ორგანიზაციასთან ერთად რომელსაც ეს სურვილი გაუჩნდება.

რატომ უნდა დაინტერესდეს კომპანია თქვენთან თანამშრომლობით? რას სთავაზობს თქვენი ტრენინგი კომპანიებს?

ჩვენ გვაქვს შორმიმავალი მიზნები, დარწმუნებული ვარ რომ მეთოდოლოგია საზღვრებს მალე დატოვებს და დიდ ინტერესს გამოიწვევს. პიარი და ფსიქოლოგია ერთად ეს არის დიდი შესაძლებლობა, შეხვედრები ნახევრად თერაპიულია შესაბამისად ამ პროცესში გაზიარებული სარეკლამო სახე, ვიდეო, ნებისმიერი მესიჯი არასდროს დაავიწყდება ადამიანს. დაფინანსების სანაცვლოდ ჩვენ დამფინანსებელს ვთავაზობთ მათი პროდუქციის დამატებით იმდენ მომხმარბელს, რამდენიც ტრენინგს დაესწრება. ამ კვლევაზე აქტიურად ვმუშაობ რომ ეს ფაქტი ციფრებში გამოვხატო და სულ მალე ვაჩვენებ ფართო წრეებს. ასევე, ჩვენ მათ ვაძლევთ შესაძლებლობას შემოგვიერთდნენ კეთილ საქმეში და ერთად დავეხმაროთ მათ, ვისაც ნამდვილად სჭირდება თითოეული ჩვენთაგანის გვერდში დგომა და დახმარება. თავად ეს მიქსი პიარისა და ფსიქოლოგიის იმდენად აგდებს განცდაში ადამიანს, რომ წარუშლელ შთაბეჭდილებას ტოვებს, არის სრულიად უტრამვო და პოზიტივით სავსე.

 

ავიაბილეთები იაფად
იტვირთბა....