თელავის მუნიციპალიტეტში, სოფელ ფშავლის ტყეში ხანძარია.
“ცეცხლი დღის მეორე ნახევარში თავდაპირველად ხმელ ბალახს მოედო, მოგვიანებით კი ტყის მასივზე გაცრცელდა.” – აცხადებს ფშაველი-ლეჩურის თემში მერის წარმომადგენელი, ვალერი აბრამიშვილი.
საგანგებო სიტუაციების მართვის სამსახურში კი განმარტავენ, რომ ცეცხლის ღია კერა ამ ეტაპზე აღარ არის, თუმცა უსაფრთხოების მიზნით ადგილზე 20-მდე მეხანძრე-მაშველი რჩება, რომელიც სალიკვიდაციო სამუშაოებს დილამდე გააგრძელებს.
დაუზუსტებელი ინფორმაციით, დამწვარია, დაახლოებით 10 ჰექტრამდე ფართობი ტერიტორია.