იოკოჰამას პორტში, საკრუიზო ლაინერზე ახალი კორონავირუსის კიდევ 99 შემთხვევა დაფიქსირდა. დაინფიცირებულთა საერთო რაოდენობა კი 454-მდე გაიზარდა. ინფორმაციას ამის შესახებ “როიტერსი” იაპონურ მედიაზე დაყრდნობით ავრცელებს.
კომპანია Carnival Corp-ის საკუთრებაში მყოფი საკრუიზო ლაინერი Diamond Princess, კარანტინში 3 თებერვლიდან იმყოფება. ბორტზე 3 700 ადამიანი იყო.
ამერიკის შეერთებულმა შტატებმა გემიდან საკუთარი მოქალაქეების ევაკუაცია განახორციელა. ბორტზე მყოფი 400 ამერიკელიდან ახალი კორონავირუსი 40-ს დაუდგინდა.