ბათუმში ავტოსაგზაო შემთხვევას 50 წლის კაცი ემსხვერპლა.
არსებული ცნობით, კაცი აბუსერიძის ქუჩაზე ველოსიპედით გადაადგილდებოდა, რა დროსაც მას მსუბუქი ავტომანქანა დაეჯახა.
შსს-მ ფაქტთან დაკავშირებით გამოძიება სსკ-ის 276-ე მუხლის მეექვსე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.