საქართველოს ეროვნული პარკების დასაცავად აშშ-ის მთავრობა დღეიდან იწყებს $1.6-მილიონიან, ხუთწლიან პროგრამას.
ინფორმაციას ამის შესახებ საქართველოში აშშ-ის საელჩო ავრცელებს.
“საქართველოს ბუნება ფასდაუდებელია და მისი შენარჩუნება განსაკუთრებით მნიშვნელოვანია.
ქვეყნის თვალწარმტაცი ეროვნული პარკების დასაცავად და მათი ეკონომიკური მდგრადობის მისაღწევად ამერიკის მთავრობა დღეიდან იწყებს $1.6-მილიონიან, ხუთწლიან პროგრამას, რომლის მიზანიც საქართველოს ეროვნული პარკების შენარჩუნება და მათთვის ეკონომიკური შესაძლებლობების გაჩენაა.
ყოფილხართ საქართველოს ეროვნულ პარკებში? გაგვიზიარეთ შთაბეჭდილებები”. – აცხადებენ საელჩოში.