“იმედის“ინფორმაციით, ტელეკომპანია „რუსთავი 2“-ის საინფორმაციო სამსახურს ნინო შუბლაძე უხელმძღვანელებს. შესაძლოა მან არხის საინფორმაციო მიმართულებას ძველებურად დირექტორის მოადგილის სტატუსითაც უხელმძღვანელოს.
“იმედინიუსის” ინფორმაციით, შუბლაძე ფაქტს არ უარყოფს.
შეგახსენებთ, რომ დღეს “რუსთავი 2-დან” გაათავისუფლეს ნოდარ მელაძე, ნანუკა ჟორჟოლიანი, გიორგი გაბუნია, ეკა კვესიტაძე, გიორგი ლაფერაშვილი.
არხი დატოვეს “კურიერის” წამყვანებმა დიანა ჯოჯუამ, პაატა იაკობაშვილმა და მიხეილ სესიაშვილმა.
“რუსთავი 2-ის” გენერალური დირექტორი პაატა სალია არ უარყოფს, რომ შესაძლოა, არხის საინფორმაციო სამსახურის უფროსი შუბლაძე გახდეს.