საოკუპაციო ძალების მიერ დაკავებული საქართველოს რვა მოქალაქე გაათავისუფლეს. ამის შესახებ ინფორმაციას პირველი არხი ავრცელებს.
„რვავე დაკავებული თავისუფალია და ისინი იმყოფებიან საქართველოს ცენტრალური ხელისუფლების მიერ კონტროლირებად ტერიტორიაზე“, – განაცხადა შინაგან საქმეთა სამინისტროს საპატრულო პოლიციის დეპარტამენტის დირექტორმა ვაჟა სირაძემ.
შეგახსენებთ, რომ 17 აგვისტოს რუსმა სამხედროებმა სოფელ ახალუბნის 7 მკვიდრი დააკავეს.
18 აგვისტოს რუსმა მესაზღვრეებმა დააკავეს სოფელ მეჯვრისხევის 1 მკვიდრი.