საბერძნეთის ციხეში ჩხუბის დროს რუსმა პატიმარმა ქართველი მსჯავრდებული მოკლა. ამის შესახებ ინფორმაციას სააგენტო „გრიკ რეპორტერი“ ავრცელებს.
როგორც გამოცემა წერს, ინციდენტი საბერძნეთის ჩრდილოეთ ნაწილში მდებარე სასჯელაღსრულების დაწესებულებაში 27 ივლისს მოხდა. გავრცელებული ცნობით, 43 წლის რუსი მსჯავრდებული 35 წლის ქართველ პატიმარს დაუპირისპირდა. ჩხუბის დროს რუსმა ქართველს მძიმე დაზიანება მიაყენა, რისგანაც ის გარდაიცვალა.
ქართველი პატიმრის გარდაცვალება ნიგრიტას ციხეში დაადასტურეს. მოგვიანებთ დანიშნულია ცხედრის ექსპერტიზა. დამნაშავეს უახლოეს ხანში ბრალს პროკურატურა წაუყენებს.
წყარო: პირველი არხი